Vlorë, 28 gusht 2025 – Një aksident trafiku ku janë përplasur tre automjete është regjistruar pasditen e sotme në Tunelin e Llogarasë. Fatmirësisht, nga ky incident nuk ka persona të lënduar, ndërsa janë vetëm dëme materiale.
Në aksident janë përfshirë një automjet tip “Audi”, një “Volvo” dhe një “Mitsubishi”. Ngjarja ka ndodhur rreth orës 15:45, sipas njoftimit paraprak të Policisë së Vlorës.
Sipas burimeve zyrtare, drejtuesit e automjeteve janë shtetasit A. M. (Audi), A. H. (Volvo) dhe K. M. (Mitsubishi). Pas përfundimit të veprimeve të nevojshme proceduriale, automjetet e përfshira në aksident u spostuan dhe qarkullimi në tunel vijoi normalisht.
Policia ka ndërhyrë në kohë për të menaxhuar situatën dhe për të garantuar sigurinë në rrugë.
