Një 35-vjeçar nga Pogradeci ka përfunduar në pranga, pasi u përpoq t’i jepte para një punonjësi të Policisë Rrugore, për të shmangur një gjobë për mungesë dokumentacioni në automjetin që drejtonte.
Ngjarja ndodhi në territorin e qarkut Elbasan, ku gjatë një ndalese rutinë, punonjësi i Policisë konstatoi se mjeti i drejtuar nga shtetasi E. A., 35 vjeç, kishte targa të përkohshme, por pa dokumentin përkatës të autorizimit.
Në përpjekje për të mbyllur situatën “me të mira”, drejtuesi i mjetit ka tentuar të korruptojë efektivin me një shumë parash në dorë. Por në vend që të shmangte gjobën, përfundoi i arrestuar në flagrancë për korrupsion.
Efektivi i Policisë ka raportuar menjëherë ngjarjen dhe ka ndjekur të gjitha procedurat ligjore. 35-vjeçari jo vetëm që nuk i shpëtoi gjobës administrative prej 1.000 lekësh, por tani përballet edhe me një akuzë penale për korrupsion pasiv ndaj punonjësit publik.
Rasti është ndjekur nga specialistët për Hetimin e Krimeve Ekonomiko-Financiare dhe nën drejtimin e Prokurorisë së Elbasanit. Materialet janë dërguar për ndjekje të mëtejshme ligjore.
Policia e Shtetit rikujton se çdo përpjekje për të korruptuar punonjësit e rendit përbën vepër penale dhe do të përballet me forcën e ligjit.
