Elbasani për shkak të temperaturave të regjistruara është cilësuar një nga qytetet më të nxehtë në Shqipëri, megjithatë të pakta janë cezmat me ujë të pijshëm, ndërsa i vetmi shatërvan funksional ndodhet para pallatit të sportit.
Qytetarët shprehen se qytetit i mungon uji dhe se kjo situatë me këto temperatura është e papërballueshme sidomos për moshat e treta.
“Me gjithë këtë vapë sidomos, s’duheshin nisur punimet. Duhet uji, të ketë nëpër çezma se s’përballohen këto temperatura”- shprehet një qytetare.
Vec mungesës së ujit në hapësirat publike, qytetarët ankohen edhe për oraret e reduktuara të ujit të pijshëm si dhe për rritjen e tarifës, për cilën nuk ka ende një informacion, sidomos për ata qytetarë që vazhdojnë ta paguajnë ujin aforfe.
“Ne s’kemi ujë në shtëpi, vjen me orar, një orë dhe ikën. Ne i paguajmë të gjitha faturat, thanë që do e bëjnë 24 h, të shikojmë çdo bëhet”- shprehet një tjetër.
Reduktimi i hapësirave të gjelbërta, shtimi i betonizimit dhe punimet në qendër të qytetit gjatë sezonit veror kanë bërë që qytetarët ta ndjejnë edhe më shumë të nxehtin e këtyre ditëve duke Ia bërë më të vështirë jetesën.
