21 nëntori – “Dita Botërore e Përkujtimit të Viktimave të Trafikut Rrugor” ka mbledhur bashkë efektivë rrugorë në qendër të qytetit të Elbasanit.
Në kuadër të kësaj dite, shërbimet e Qarkullimit Rrugor në DVP Elbasan kanë ndërmarrë një sërë aktivitetesh në qytetin e Elbasanit, për sensibilizimin e të gjithë përdoruesve të rrugës, për rëndësinë e zbatimit të rregullave të qarkullimit rrugor, duke iu dhënë mesazhin: “Zbatoni rregullat e qarkullimit, shpëtoni jetë!”
Në bashkëpunim me Kryqin e Kuq janë improvizuar skena aksidentesh rrugore, për të treguar mënyrën e dhënies së ndihmës së parë qytetarëve që përfshihen në aksident rrugor.
Gjatë një prononcimi për median, specialisti i Sektorit për Qarkullimin Rrugor në DVP Elbasan, nënkomisar Tanush Shytaj, ka apeluar për të gjithë qytetarët që të respektojnë rregullat e qarkullimit rrugor.
Aktiviteti është realizuar në bashkëpunim me Kryeqin e Kuq Elbasan.
