Nuk kanë qenë të pakta herët kur kemi dëgjuar për konflikte të përgjakura për arsye nga më banalet.
I tillë ështe rasti i një 52-vjeçari shqiptar në Selanik të Greqisë, i cili plagosi me thikë shefin e kuzhinës, pasi nuk i pëlqeu mishi që i kishin servirur në restorant.
Ngjarja ka ndodhur në fillim të muajit mars në një restorant në Selanik, kur 52-vjeçari shqiptar humbi kontrollin nga nervat se mishi që iu servir nuk ishte i shijshëm.
Sipas shqiptarit mishi që i servirën në restorant ishte i gatuar një ditë më parë.
Pas ngjarjes emigranti shqiptar u arrestua, ndërsa sot ai është paraqitur para Gjykatës në Selanik për tu njohur me masën e sigurisë. Ndaj 52-vjeçarit rëndon akuza “vrasje e mbetur në tentativë”.
