ELBASAN – Specialistët për Hetimin e Krimeve të Komisariatit të Policisë Elbasan kanë referuar materialet në Prokurori, ku ka nisur procedimi penal për shtetasin Xh. Ç., 58 vjeç.
Sipas policisë, ai dyshohet se ka pushtuar tokën e një shtetaseje dhe e ka kanosur atë me fjalë, duke cenuar pronën dhe sigurinë e saj personale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
