Cërrik – Si rezultat i veprimeve të shpejta hetimore dhe operacionale, Policia e Cërrikut ka identifikuar, kapur dhe vënë në pranga autorin e dyshuar të një vjedhjeje automjeti të ndodhur në Belsh.
Menjëherë pas kallëzimit të bërë nga një shtetas, i cili raportoi se i ishte vjedhur automjeti që kishte marrë me qira, specialistët për Hetimin e Krimeve në Komisariatin e Policisë Cërrik organizuan punën për zbardhjen e ngjarjes.
Si rezultat, u arrestua shtetasi L. D., 49 vjeç, banues në Belsh, i dyshuar për kryerjen e kësaj vepre penale. Automjeti i vjedhur u gjet dhe u sekuestrua nga policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprën penale “Vjedhja”.
