Ai mund të ketë zotëruar tashmë një numër të konsiderueshëm restorantesh dhe ishte një kuzhinier i kompletuar, por Nusret u bë i famshëm kur i shtoi emrit të tij pseudonimin ‘Salt Bae’.
Kur filloi t’i hidhte mishit kripë sipas mënyrës së tij, atëherë u bë i njohur gjerësisht dhe tashmë është një nga figurat më piktoreske ndërkombëtare. Komentet kundër tij japin e marrin, si për pjatat shumë të shtrenjta në dyqanet e tij, ashtu edhe për faktin që kërcen si “majdanoz” në çdo rast në çdo event.
Reagime ka shkaktuar tashmë postimi i ri i shefit turk në Instagram, sipas të cilit një grup klientësh në restorantin e tij në Dubai kanë paguar një faturë prej 108 mijë eurosh. Nusreti donte me postimin e tij të tregonte se sa… shet, duke shkruar “paratë shkojnë e vijnë”, por rezultoi ti kthehet negativisht.
Kritikët thonë se fatura e gjatë është një fyerje për turqit punëtorë që luftojnë për të përballuar inflacionin në rritje dhe një normë papunësie prej 10%. Ndërkohë, të ftuarit e paparalajmëruar që vizituan Nusr-Et Steakhouse Dubai në Four Seasons Resort të shtunën, festuan me karpacio viçi, patate të skuqura, sallatë, bakllava dhe fruta, ndër të tjera.
