Shkel masën “arrest në shtëpi”, arrestohet 31-vjeçari në Librazhd
Librazhd, 1 prill 2026 – Specialistët për Hetimin e Krimeve të Komisariatit të Policisë Librazhd arrestuan shtetasin H. D., pasi u konstatua jashtë banese, në kundërshtim me masën e sigurisë “arrest në shtëpi” të vendosur ndaj tij për veprën penale “Plagosja e rëndë me dashje”.
Sipas policisë, 31-vjeçari u kap gjatë kontrollit dhe u shoqërua për veprime të mëtejshme procedurale. Materialet i kaluan Prokurorisë për vijimin e hetimeve.
Transportonte dru të prerë në mënyrë të paligjshme, procedohet penalisht 39-vjeçari
Librazhd, 1 prill 2026 – Një 39-vjeçar është proceduar penalisht pasi u kap duke transportuar lëndë drusore të dyshuar të siguruar në mënyrë të kundërligjshme.
Policia bëri me dije se shtetasi B. F. u ndalua në fshatin Lëpushë, ndërsa lënda drusore u sekuestrua në cilësinë e provës materiale. Materialet iu referuan Prokurorisë për veprime të mëtejshme.
Mashtrim me borxh, shpallet në kërkim 31-vjeçari në Librazhd
Librazhd, 1 prill 2026 – Policia ka shpallur në kërkim shtetasin A. H., 31 vjeç, i dyshuar për mashtrim.
Sipas hetimeve paraprake, ai dyshohet se ka marrë një shumë parash borxh nga një shtetas dhe nuk e ka kthyer. Vijon puna për kapjen dhe vënien e tij përpara përgjegjësisë ligjore.
Në gjendje të dehur në timon, arrestohen dy drejtues mjetesh
Elbasan, 1 prill 2026 – Specialistët e qarkullimit rrugor arrestuan në flagrancë dy shtetas, të cilët u kapën duke drejtuar automjetet në gjendje të dehur.
Në pranga ranë shtetasit K. B., 25 vjeç dhe E. B., 35 vjeç. Policia thekson se kontrollet në rrugë vijojnë për rritjen e sigurisë rrugore dhe parandalimin e aksidenteve.
Aksident në rrugën “Qemal Stafa”, procedohet shoferi, plagoset këmbësorja
Elbasan, 1 prill 2026 – Një aksident rrugor është regjistruar në rrugën “Qemal Stafa”, ku një automjet ka përplasur një këmbësore.
Shtetasja M. G., 64 vjeçe, mbeti e dëmtuar dhe ndodhet në kujdesin e mjekëve, jashtë rrezikut për jetën. Drejtuesi i mjetit, shtetasi S. T., 25 vjeç, po procedohet penalisht për shkelje të rregullave të qarkullimit rrugor.
Dhunë në familje në Elbasan, procedohet 42-vjeçari, bashkëshortja pajiset me urdhër mbrojtjeje
Elbasan, 1 prill 2026 – Një 42-vjeçar është proceduar penalisht pasi dyshohet se ka ushtruar dhunë ndaj bashkëshortes së tij.
Sipas policisë, ndaj shtetasit A. Z. kanë nisur veprimet procedurale, ndërsa bashkëshortja e tij është pajisur me urdhër mbrojtjeje. Materialet i kaluan Prokurorisë për vijimin e hetimeve.
