Kryetari I bashkisë Elbasan ne fushaten per nje mandat te dyte deklaron gjatë fushatës se në zonat rurale është investuar thuajse në cdo fshat gjatë mandatit të tij, por nga një analizë e buxhetit në tri vite pa përfshirë vitin e fushatës, ku disa ndërhyrje u parashikuan bashkë si asfalt fushate të fituara në një tender nga firma Vëllezërit Hysa, investimet numërohen me gishtat e dorës, madje disa prej tyre janë vetëm ndërhyrje emergjente.
Bashkia Elbasan në buxhetin e vitit 2021 ka miratuar vetëm dy investime një prej tyre emergjencë për mbrojtjen e tokës bujqësore nga përroi I Paprrit me vlerën 1.8 mln lekë dhe e dyta ishte sistemim asfaltim rruga e Shelcanit e ndarë në dy vite ku vlera me e madhe e investimit është transferuar në vitin 2022.
Ndërkohë në vitin 2022 po sipas buxhetit vazhdon investimi në emergjencë për zonën e Paprrit këtë herë për mbrotjen e rrugës me vlerën 3.5 milion lekë. Një tjetër investim emergjence për mbrojtjen e rrugës nga përroi I Gostimës në Fushëbuall me vlerën 2.2 milion lekë dhe mbrojtja e lagjes së Noneve nga I njëjti përrua me vlerë 4.8 milion leke.
Rikonstruksioni I rrugës Polis Valë me vlerën e 600 mijë lekëve për vitin 2022 dhe është futur riviltalizimi urban I Gjinarit ku bashkia do të financojë 20% në bashkëpunim me FSHZH dhe vlera e investimit e parashikuar ne buxhetin 2022 ishte 3 milion leke.
Për vitin 2021-22 është ndërtuar edhe një depo uji në zonën e Hajdaranit. Nje pjesë e madhe e këtyre investimeve janë menduar me faza dhe ajo përfundimtare është lënë viti i fushatës.
Ndërkohë investimet në vitin e fushatës janë menduar si zëra të përbashkët ku të dy tenderat sin ë fshat dhe në qytet i ka marrë një firmë e vetme, firma Vëllezërit Hysa dhe Ergi sh.p.k, që është duke ndërtuar edhe mbikalimin e Varrezave, mbikalim i cili ka filluar qysh nw vitin 2020 dhe ende nuk ka pwrfunduar.
