DURRËS- Një 44-vjeçar është arrestuar nga Policia e Durrësit, pasi i vodhi me dhunë çantën një shtetaseje në rrugë. Policia bën me dije se është sekuestruar edhe çanta e 54-vjeçares në cilësinë e provës materiale. 44-vjeçari i identifikuar si Ilir Biba akuzohet për veprën penale “Vjedhja me dhunë”. Ndërkohë policia ka ndarë pamje nga momenti i grabitjes, ku shihet 44-vjeçari i cili i tërheq me forcë çantën, duke e rrëzuar gruan në rrugë.
Njoftimi i Policisë:
Shërbimet e Komisariatit të Policisë Durrës, menjëherë pas njoftimit se në rrugën “Mujo Ulqinaku”, një shtetas i kishte vjedhur me dhunë çantën e dorës, një 54-vjeçareje, kanë organizuar punën me qëllim identifikimin dhe kapjen e autorit.
Si rezultat i veprimeve të shpejta hetimore, u bë i mundur identifikimi dhe kapja e autorit të dyshuar të vjedhjes, shtetasit I. B., 44 vjeç, banues në Durrës, i cili në përfundim të veprimeve u arrestua për veprën penale “Vjedhja me dhunë”. Çanta e 54-vjeçares u sekuestrua në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.
