Një sasi e vogël lënde e dyshuar si cannabis sativa është sekuestruar gjatë një kontrolli fizik ndaj një qytetari në Elbasan.
Shtetasi G. T., 49 vjeç, është proceduar penalisht pasi gjatë kontrollit të ushtruar nga specialistët për Hetimin e Narkotikëve iu gjet dhe sekuestrua një sasi e vogël e lëndës narkotike.
Ai u shoqërua për në ambientet e Policisë për verifikime të mëtejshme, ndërsa materialet procedurale janë referuar në Prokurori.
