Tiranë, 3 Nëntor 2025 – Gjykata e Posaçme Kundër Korrupsionit dhe Krimit të Organizuar (GJKKO) ka shpallur sot vendimin për ish-deputetin e Partisë Socialiste, Jurgis Çyrbja, duke e dënuar me 3 vite burgim. Pas përfitimit nga gjykimi i shkurtuar, dënimi i tij reduktohet në 2 vite burg, që do të vuhet në një institucion të sigurisë së zakonshme.
Në të njëjtin vendim, GJKKO ka shpallur fajtor edhe Altin Hajrin, i cili është gjykuar në mungesë, për veprat penale “korrupsion në zgjedhje” dhe “tregim të sekretit shtetëror”. Ai është dënuar me 3 vite burg, të reduktuara në 2 vite pas aplikimit të gjykimit të shkurtuar.
Ndërsa Ahmet Masha është dënuar me 2 vite e 6 muaj burg, të reduktuara në 1 vit e 8 muaj, për akuzën e “përkrahjes së autorëve të krimit”.
Vendimi i sotëm i GJKKO-së vjen pas hetimeve të zgjatura mbi çështjen e korrupsionit zgjedhor të vitit 2021, që përfshiu disa ish-zyrtarë dhe persona të lidhur me fushatat elektorale të asaj kohe.
