Këtë të shtunë pika kufitare e Morinit u përball me fluks të lartë qytetarësh dhe mjetesh, pavarësisht procedurës së thjeshtuar për targat e Shqipërisë e Kosovës.
Fluksi i lartë krijoi herë pas here kolona të gjata deri thellë në territorin e Kosovës.
Ndërsa një pjesë e qytetarëve të Kosovës po kthehen nga pushimet drejt vendeve ku jetojnë e punojnë, ndërkohë pjesa tjetër po niset drejt bregdetit shqiptar.
Ngarkesa në kufij është e pranishme pothuajse çdo ditë, por rëndohet më shumë gjatë fundjavave.
Mësohet se mesatarja ditore i kalon 35 mijë shtetas si në hyrje ashtu edhe në dalje nga Shqipëria.
