ITALI- Organet e zjarrfikësit italian që u vra nga shqiptari janë dhuruar. Ledicoladelsud shkruan se kjo ka qenë dëshira e të ndjerit Giuseppe Tuccit që ka pasur para se të vdiste.
Zemra, mbërriti në spitalin e Bolonjës, mushkëritë, veshkat, në spitalin Cesana, mëlçia, kornea, janë depozituar në bankën e kornesë. Transplantet u zhvilluan në Rimini përpara se trupi i Tuccit të transferohej në dhomën e morgut të spitaleve të bashkuara të Foggia-s.
Italiani u vra nga shqiptari 28-vjeçar Klajdi Mjeshtri në Rimini, fundjavën e shkuar, pas një sherri të nisur në një diskotekë. Shqiptari është vënë në prangat e autoriteteve italiane dhe akuzohet për vrasje me dashje, teksa konsiderohet si një person me rrezikshmëri të lartë.
