Elbasan, 8 mars 2026 – Drejtoria Vendore e Policisë Elbasan njofton se gjatë monitorimit 24/7 dhe kontrolleve të kryera në qytet, janë evidentuar tre raste të posedimit të lëndëve narkotike.
Arrest në flagrancë: Shtetasi M. L., 18 vjeç, u arrestua pasi gjatë kontrollit fizik në lagjen “28 Nëntori”, në vendin e quajtur “Lulishtja 1 Maj”, iu gjet sasi lënde e dyshuar kokainë e ndarë në doza.
Procedim në gjendje të lirë: Shtetasi J. D., 19 vjeç, gjatë kontrollit në të njëjtën lagje iu gjet sasi e dyshuar “Cannabis sativa”. Materialet iu referuan Prokurorisë.
Procedim për mosbindje dhe posedim: Shtetasi E. P., 39 vjeç, në lagjen “Emin Matraxhiu”, nuk iu bind urdhrit të punonjësit të policisë dhe tentoi të largohej. Nga kontrolli iu gjet sasi e dyshuar “Cannabis sativa”.
Materialet procedurale i janë referuar Prokurorisë për veprime të mëtejshme.
