BRAZIL – Mund të ishte një shaka… por me të vërtetë ka ndodhur. Brasiliense njoftoi këtë të dielë se trajneri Paulo Roberto Santos dha dorëheqjen në pjesën e parë të ndeshjes kundër Real FC, në një kohë kur rezultati ishte për kundërshtarin dhe trajneri nuk i pranoi kritikat e bëra nga presidenti i klubit për paraqitjen e dobët të skuadrës.
Ajo që ndodhi më pas është edhe më surreale: nisur nga situata e konfirmuar nga ‘Globo Esporte’, mjeku i Brasiliense mori komandën teknike të skuadrës në pjesën e dytë dhe arriti të fitonte 2-1, në një ndeshje ku të gjithë golat u shënuan pas 80 minutash.
“Braziliense informon se, gjatë pushimit të ndeshjes mes Real Brasília – Brasiliense, trajneri Paulo Roberto Santos, i pakënaqur me kritikat që mori nga presidenti i klubit për paraqitjen e dobët të ekipit në pjesën e parë dhe në dy ndeshjet e mëparshme të kompeticionit, vendosi të lërë komandën e skuadrës së bashku me anëtarët e tjerë të stafit teknik.
Gjatë pjesës së dytë, Brasiliense u paraqit më mirë, duke fituar 2-1, duke filluar të kryesojë e vetme grupin e tyre”,- lexohet në rrjetet e asaj skuadre që luan në Serinë D të Brasileirão, ekuivalenti i divizionit të 4-të.
The Special One! ⚽️🩺 pic.twitter.com/OHW2gfAAJW
— Brasiliense Futebol Clube (@BrasilienseFC) May 12, 2024
