Vlorë, 4 prill 2025 – Një ngjarje e pazakontë ka tronditur institucionet shtetërore shqiptare, pasi një 15-vjeçar nga Vlora ka arritur të depërtojë në sistemet kompjuterike të Parlamentit të Shqipërisë, Shërbimit Informativ Shtetëror (SHISH), dhe disa institucioneve të tjera.
Sipas burimeve nga grupi hetimor, adoleshenti është i diagnostikuar me çrregullim të spektrit të autizmit. Hetuesit dyshojnë se ai mund të jetë shtyrë apo përdorur nga persona të tjerë për të kryer këtë ndërhyrje të ndërlikuar në sistemet shtetërore.
Megjithëse nuk rezulton që të jenë marrë të dhëna konfidenciale nga serverat e institucioneve, hetimet vijojnë me marrjen në pyetje të të miturit dhe verifikimin e gjurmëve digjitale, për të përcaktuar nëse pas tij qëndrojnë edhe të rritur të tjerë me qëllime kriminale.
Policia dhe Prokuroria janë angazhuar për të zbardhur plotësisht këtë rast që ngre shqetësime për sigurinë kibernetike të institucioneve shqiptare.
