Bjanka Çopja kandidon nën siglën e partisë demokratike për në këshillin bashkiak. Ajo vjen nga administrimi privat dhe kandidon për të qenë pjesë e këshillit bashkiak të Elbasanit me qëllimin e vetëm, atë të përmirësimit të vendimarrjes në nivel vendor dhe përmirësimin e klimës ndaj biznesit, si një motorr i rëndësishëm zhvillimi. Bjanka kërkon votën e qytetarëve Elbasan si këshilltare në listën e partisë demokratike dhe mbështet Luçiano Boçin si kandidat për kryetar në bashkinë Elbasan.
Në një intervistë të shkurtër Bjanka tregon për jetën e saj, eksperiencën dhe qëllimin e kandidimit të saj në këto zgjedhje.
Ju vini nga një shkollim dhe eksperiencë e suksesshme. Çfarë do të veçonit nga shkollimi dhe karriera juaj?
n Unë kam lindur më 15 shtator të 1994, në qytetin e Elbasanit, kam përfunduar studimet e larta Baçelor në degën e Fizioterapisë, pranë Universitetit “Aleksandër Xhuvani”, Elbasan. Studimet pas universitare i kam ndjekur në Fakultetin e Shkencave Mjekësore Teknike, profili Infermieri, pranë Universitetit “Aleksandër Xhuvani”.
Në këto zgjedhje vi nga një eksperiencë disavjeçare si administratore në sektorin privat dhe me motivimin, synimin e dëshirën që të kontribuojë në përmirësimin e vendimarrjes në Elbasan, kam pranuar të jem pjesë e ekipit në Zgjedhjet e 14 majit, nën siglën e Partisë Demokratike.
Çfarë mësimesh keni përfituar nga puna juaj në sektorin privat?
Bjanka Çopja: Falë kësaj eksperience kam patur mundësi të takojë cdo ditë qytetarët e Elbasanit. Kontakti i përditshëm me njerëz nga shtresa të ndryshme më ka ndihmuar të njihem me problematikat e tyre. Roli im si administratore e biznesit privat më ka ndihmuar të njihem me të gjitha vështirësitë e të bërit biznes në Shqipëri. Ndër vite jam përballur me institucionet vendore e qëndrore për të ushtruar të drejtës time legjitime dhe kushtetuese atë të të bërit biznes.
Si është klima e biznesit në Elbasan? Sa e lehtë është të administrosh një biznes?
Kam vënë re se vit pas viti është bërë gjithnjë e më e vështirë për të bërë biznes në Shqipëri. Arsyet kryesore janë dy: rritja e vazhdueshme dhe shpesh e panjoftuar e taksave dhe largimi masiv i njerëzve të cilët janë njëkohësisht fuqi punëtore dhe klientë potencialë.
Duke qenë se biznesi që ju keni administruar i përket sektorit të shërbimit, këto problematika që ju keni konstatuar a reflektohen edhe në bizneset e tjera në qytet me të cilat ju keni patur bashkëpunim?
Kontakti i vazhdueshëm me biznese të tjera në qytetin e Elbasanit më ka dhënë të kuptoj që këto probleme nuk i kam patur vetëm unë në biznesin tim. Këto janë probleme që kanë prekur cdo biznes në Elbasan, të madh e të vogël i cili vuan si për të gjetur punëtorë ashtu edhe për të siguruar klientë të cilët të blejnë produktet dhe shërbimet e tyre.
Ju përmendët largimet masive, një fenomen i cili është fakt dhe nuk mund të mohohet nga askush, ju ka vënë në vështirësi në biznesin tuaj?
Si administratore e biznesit privat ndër vite kam patur vështirësi në rritje për plotësimin me staf. Pavarësisht pagave konkuruese dhe bonuseve punonjësit janë gjithmonë e më të joshur për të emigruar. Kjo valë e re emigracioni është edhe më e fuqishme se ajo e fillim viteve 90’. Arsyeja kryesore është mungesa e shpresës e cila po bën që të largohen jo vetëm të varfrit por edhe profesionistët.
Pse vendosët të angazhoheshit në mënyrë aktive në politikë? Pse zgjodhët të përfaqësonit siglën e Partisë Demokratike?
Duke u nisur nga mungesa e shpresës që është ulur këmbëkryq në Elbasan dhe në të gjithë Shqipërinë vendosa të futem në politikën aktive për të qenë pjesë e vendimmarrjes. Zgjodha Partinë Demokratike si forca historike opozitare duke qenë se nuk kam pritshmëri që partia në pushtet prej 16 vitesh në qytetin e Elbasanit ka mundësi për të bërë më mirë, ka patur të gjithë kohën dhe mbështetjen politike në këto vite dhe nuk e ka bërë.
Cilat janë cilësitë tuaja kryesore për të cilat duhet tju mbështesin qytetarët elbasanas? Si ka qenë impakti i kandidimit tuaj në qytet?
Unë besoj se Elbasani ka nevojë për qytetari dhe integritet. Gjatë këtyre viteve kam dhënë prova për këto dy cilësi. Qytetarët e Elbasanit më njohin mirë dhe në të gjitha takimet që kam patur kam marrë vetëm inkurajime dhe vlerësime. Të jesh pjesë aktive e politikës, të konkurosh nën siglën e opozitës kërkon kurajo qytetare dhe qëndrim të paepur. Ftoj bashkëqytetarët e mi të dalin masivisht në votime dhe të na votojnë për të pasur një përfaqësuese qytetare dhe fisnike në Këshillin Bashkiak për katër vitet e ardhshme.
