Kristjan Asllani ka një shans të mirë që ta nisë si titullar sfidën e Interit kundër Bolognës në Kupën e Italisë, e cila do të zhvillohet të mërkurën dhe do të jetë e vlefshme për 1/8 e finaleve. Megjithatë, duke u marrë parasysh që skuadra zikaltër është e fokusuar kryesisht në kampionat, pritet që disa titullarë të marrin një pushim.
Me një rotacion të moderuar, Asllani ka mundësinë të theksojë vlerat e tij në fushë. Mesfushori shqiptar është aktivizuar në disa ndeshje këtë sezon, duke bërë paraqitje pozitive për të lënë përshtypje të mira dhe te trajneri Inzaghi.
