Arrestohet në flagrancë një drejtues mjeti në gjendje të dehur.
Specialistët e Qarkullimit Rrugor bënë arrestimin në flagrancë të shtetasit R. H., 39 vjeç, pasi u kap duke drejtuar automjetin në gjendje të dehur, duke rrezikuar sigurinë rrugore.
Procedim penal për posedim të lëndëve narkotike.
Specialistët për Hetimin e Narkotikëve referuan materialet në Prokurori dhe nisën procedimin penal ndaj shtetasit A. F., 36 vjeç. Gjatë kontrollit fizik, këtij shtetasi iu gjet një sasi e vogël lënde e dyshuar narkotike e llojit cannabis sativa.
Goditje për motive të dobëta – procedim penal ndaj një shtetasi në Cërrik.
Specialistët për Hetimin e Krimeve të Komisariatit të Policisë Cërrik referuan materialet në Prokurori për shtetasin Ç. H., 49 vjeç, i cili ka goditur me grushte një shtetas 54-vjeçar, për motive të dobëta.
Zjarri në një magazinë si pasojë e rrjedhjes së gazit – vetëm dëme materiale.
Më datë 24.08.2025, në lagjen “Syrja Dylgjeri”, dyshohet se për shkak të rrjedhjes së gazit nga bombola e gatimit ka rënë zjarr në magazinën në përdorim nga shtetasi I. M., 43 vjeç. Si pasojë janë shkaktuar vetëm dëme materiale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme procedurale.
