TIRANA- Një aksident me pasojë vdekjen ka ndodhur në autostradën Tiranë-Durrës, ku një 28-vjeçar dyshohet se ka humbur kontrollin mbi automjetin e tij, duke u përplasur më pas me bordurat anësore të rrugës. I riu u transportua në spital, por fatkeqësisht nuk mundi t’i mbijetonte plagëve.
Autoritetet dhe grupi hetimor janë duke punuar për të sqaruar plotësisht shkaqet dhe rrethanat e aksidentit.
“Më datë 27.11.2025, rreth orës 00:30, në autostradën Tiranë-Durrës, shtetasi A. Gj., 28 vjeç, dyshohet se ka humbur kontrollin mbi automjetin, dhe më pas automjeti është përplasur me bordurat anësore të rrugës. Si pasojë, 28-vjeçari ka humbur jetën në spital. Punohet për sqarimin e rrethanave të aksidentit”, njoftoi sot policia.
