TIRANË- Një 39-vjeçare me origjinë nga Kosova ka ndërruar jetë te spitali i Traumës, ndërsa kanë nisur hetimet për zbardhjen e shkakut të vdekjes.
Sipas informacioneve, ngjarja ka ndodhur më 21 gusht, kur 39-vjeçarja u transportua fillimisht në spitalin e Lezhës dhe mori ndihmën e parë mjekësore.
Më pas për shkak të gjendjes së rënduar shëndetësore, ajo u transportua më pas në Spitalin e Traumës në Tiranë, ku dhe ndërroi jetë.
Dyshimet deri tani janë se e reja ka ndërruar jetë nga arresti kardiak, ndërsa priten rezultatet mjeko-ligjore për të përcaktuar saktësisht shkakun e vdekjes.
