Tiranë, 23 qershor 2025 – Ministria e Mbrojtjes ka njoftuar mbi gjendjen e fundit të zjarreve në territorin shqiptar, duke theksuar se janë raportuar gjithsej 7 vatra, nga të cilat 5 janë neutralizuar, ndërsa 2 mbeten ende aktive.
Sipas Qendrës Kombëtare Operacionale të Emergjencave Civile në AKMC, vatrat e shuar janë regjistruar në këto zona:
Lagjja “Mulliri i Artë”, bashkia Delvinë
Fshati Alarup, njësia Çërravë, bashkia Pogradec
Rruga e Elbasanit, njësia Nr. 2, bashkia Tiranë
Fshati Rilë, njësia Shënkoll, bashkia Lezhë
Fshati Malaj, njësia Rrëshen, bashkia Mirditë
Ndërkohë, dy vatra mbeten problematike:
1. Qarku Vlorë – Fshati Llaman, bashkia Himarë
Zjarri vijon të jetë aktiv. Në terren po operojnë 3 automjete zjarrfikëse me 12 efektivë të MZSH Himarë, 40 ushtarakë të Forcave të Armatosura nga DRM Gjirokastër me 4 mjete transporti, si dhe një helikopter i FA. Në mbështetje janë edhe 30 punonjës të shërbimit pyjor dhe njësive vendore.
2. Qarku Kukës – Fshati Kolsh, njësia Mamëz, bashkia Kukës
Zjarri ka rënë në vendgrumbullimin e mbetjeve urbane dhe sipas Ministrisë situata paraqitet drejt përmirësimit, me forca në terren që vazhdojnë ndërhyrjen.
Autoritetet mbeten në gatishmëri për çdo emergjencë të mundshme, ndërsa u bëhet thirrje qytetarëve të njoftojnë menjëherë për çdo vatër të re zjarri.
