Një aksident automobilistik është regjistruar në mëngjesin e së enjtes në qendër të qytetit të Elbasanit.
Një i moshuar është përplasur nga një automjet teksa po kalonte te vijat e bardha.
Si pasojë e aksidentit, i moshuari ka marrë plagë të rënda dhe është transportuar me urgjencë drejt spitalit për të marrë ndihmën e nevojshme mjekësore.
Policia ka ndërhyrë menjëherë në vendngjarje, duke shoqëruar drejtuesin e mjetit për të sqaruar rrethanat e aksidentit dhe për të nisur hetimet e mëtejshme mbi ngjarjen.
Gjendja e të moshuarit mbetet e rëndë, ndërsa pritet të kryhen procedurat ligjore ndaj drejtuesit të automjetit.
