Librazhd – Një aksident ka ndodhur pasditen e sotme në fshatin Hotolisht të Librazhdit. Dy automjete përkatësisht “Benz” dhe “Renault” janë përplasur kokë më kokë me njëra-tjetrën në rrethana ende të paqarta.
Nga raportimet e deritanishme thuhet se nuk ka persona të lënduar, raportohet vetëm për dëme të konsiderueshme materiale.
Ende nuk dihen shkaqet e aksidentit. Pritet një njoftim nga ana e bluve për zbardhjen e plotë të rrethanave të ngjarjes.
