Aksident i rëndë në aksin Pogradec-Qafëthanë, përplasen dy automjete, humb jetën një person. Plagoset një tjetër.
Përplasja fatale ka ndodhur pranë fshatit Memëlisht. Një automjet tip “Benz” me drejtues shtetasin 46-vjeç, është përplasur me automjetin tip “Citroen” me drejtues shtetasin 58-vjeç.
Për pasojë janë dëmtuar drejtuesi i automjetit tip “Citroen”, 58-vjeçari i cili ndodhet jashtë rrezikut për jetën dhe shtetasi Fillim Zeka 80-vjeç, banues në fshatin Çetë, Devoll, pasagjer në këtë automjet.
Si pasojë e plagëve 80-vjeçari ndërroi jetë. Shkaku paraprak i aksidentit dyshohet se ka qenë kalimi në korsinë tjetër të rrugës, duke mos mbajtur krahun e duhur të lëvizjes, nga ana e drejtuesit të automjetit tip “Benz”.
Me drejtuesit e automjeteve po kryhen veprimet e mëtejshme procedurale.
Grupi hetimor po punon për sqarimin e plotë të rrethanave të aksidentit.
