Prokuroria e Posaçme u ka komunikuar avokatëve akuzat ndaj Arben Ahmetajt, Klodian Zotos dhe Mirel Mërtirit, lidhur me inceneratorin e Elbasanit.
SPAK akuzon Mirel Mërtirit për veprën penale korrupsion e pastrim parash.
Edhe avokati i Arben Ahmetajt, Henrik Ligori u njoh me akuzën ndaj klientit të tij. Ahmetaj është nën hetim për procedimin penal 277/1 për veprat penale pastrim parash, korrupsion në 6 raste dhe fshehje pasurie ne lidhje me inceneratorin e Elbasanit. Hetimi nisi pas kallëzimeve që u bënë ndaj tij, se ka përfituar dhurata e udhëtime të paguara nga administratorët e inceneratorëve, u ngritën 3 akuza , korrupsion, pastrim parash dhe fshehje dhe mosdeklarim të pasurisë
Akuzat korrupsion e pastrim parash iu komunikuan avokatit që e përfaqësonte edhe për Klodian Zoton.
Biznesmeni Mirel Mërtiri është shpallur në kërkim ndërkombëtar nga policia, pas urdhër-arrestit të lëshuar nga SPAK. Mërtiri është vënë nën akuzë për korrupsion në aferën e inceneratorëve.
Kujtojmë se Prokuroria e Posaçme akuzoi zyrtarisht biznesmenin Mirel Mërtiri për korrupsion dhe pastrim parash në lidhje me aferën e inceneratorit të Elbasanit më 15 nëntor 2022.
“Shtetasit Mirel Mërtiri, Stela Gugallja dhe Klodian Zoto, kanë konsumuar veprat penale të korrupsionit aktiv i funksionarëve të lartë shtetërorë” kryer në bashkëpunim dhe “pastrim i produkteve të veprës penale e kryer në rrethana cilësuese në bashkëpunim”, thuhej askohohe në aktakuzën e SPAK.
