Policia e Kosovës ka njoftuar se ka shkuar në 63 numri i personave që dyshohet se janë helmuar nga ushqimi që kanë ngrënë në një lokal në rrugën “Abdyl Mazreku”, në Malishevë.
Po ashtu bëhet me dije se edhe pronari i lokalit është arrestuar.
Policia tha zyrtarisht se në Malishevë është raportuar se nga ora 16:48 e datës së lartcekur e deri në mesnatë ndihmë mjekësor kanë kërkuar rreth 63 persona.
Ata dyshohet se janë infektuar nga ushqimi nga një lokal ushqimor në Malishevë.
Ndërkohë tre prej tyre janë dërguar në QKUK-ë për trajtim të mëtejshëm mjekësor.
Lidhur me rastin është arrestuar pronari i lokalit i dyshuari mashkull kosovar dhe me vendim të prokurorit kujdestar, i dyshuari është dërguar në mbajtje”, thuhet në raportin e Policisë.
Për gjendjen e pacientëve, detaje ka dhënë Komuna e Malishevës, të cilët thanë se ata po trajtohen në spitalet e infektivëve.
Të sëmurët janë vizituar mbrëmë edhe nga Drejtori i Drejtorisë për Shëndetësi, Hajdin Berisha, i shoqëruar nga drejtori i QKMF-së, Afrim Krasniqi dhe asamblistët Valon Mazreku dhe Halil Morina.
“Gjendja e pacientëve të helmuar, aktualisht është stabile dhe situata është në kontroll dhe e menaxhueshme.
Sipas drejtorit Berisha, bazuar edhe nga të dhënat e klinikës, gjendja e pacientëve është stabile dhe janë duke u trajtuar nga personeli i klinikës.
Aktualisht në Klinikën Infektive janë të shtrirë 12 pacientë, ndërsa numri i pacientëve që kanë kërkuar ndihmë në QKMF në Malishevë është 39.
Të gjitha ekipet relevante janë të mobilizuara për menaxhimin e situatës dhe personeli shëndetësor në QKMF është në gatishmëri të plotë për të ofruar shërbimet e nevojshme”, thuhet në raportin e Policisë.
