KOSOVE- Pak ditë më parë, në mediat rozë doli lajmi se reperi i njohur Fero është arrestuar për dhunë në familje, sulm fizik dhe kanosje ndaj gruas së tij Arbenita Ismajli. Modelja ka reaguar me anë të një postimi në rrjetet sociale, duke konfirmuar episodet e dhunës, ndërsa thekson se drejtësia do të japë verdiktin përfundimtar.
Duke iu referuar mediave të Kosovës, dhuna është zhvilluan në banesën e tyre në Gjilan. Situata mes tyre u përshkallëzua deri në përdorimin e forcës fizike. Fero e ka dhunuar, goditur me grushte e më pas i ka thyer edhe telefonin modeles së njohur.
“Gjilan 11.07.2023 – 11:00. Është arrestuar i dyshuari mashkull kosovar pasi që i njëjti pas një mosmarrëveshje, ka sulmuar fizikisht dhe ka kanosur viktimën femër kosovare. Me vendim të prokurorit, i dyshuari pas intervistimit është dërguar në mbajtje”, thuhet në njoftimin e policisë.
