Paraditen e 4 shkurtit, gjatë takimit me demokratët e degës 4 në Tiranë, Lulzim u ndal sërish te afera e incineratorëve.
Ish0ministri Lefter Koka është arrestuar lidhur me këtë aferë dhe akuzohet për korrupsion. Por sipas Bashës, pavarësisht se mbiemri i tij është koka, ish-ministri është bishti i kësaj afere. Ai hodhi akuza edhe nga Berishës duke thënë me dorën e tij, Presidenti Meta merr vota dhe i çon te Edi Rama.
Basha: I arrestuar është Lefter Koka. Mbiemrin e ka Koka, por e dimë të gjithë që është bishti. Dy të tjerë janë larguar në drejtim të paditur. Koka e vërtetë është i pari i qeverisë. Sa afera të tilla ka? Arsyeja e dytë madhor se pse kjo ndodh është se ky vazhdon të shijë e të grijë sepse ka asgjësuar votën. Me votën e lirë të gjithë e dimë që 25 prilli do ishte një ditë ndryshimi, por ishte një masakër zgjedhore. Këtu kemi dy rrugë, opozitë ballore pa kompromis ndaj Edi Ramës dhe e dyta të mbetemi parti e vlerave euro-atlantike. Mund të rrinë të heshtur dhe mos futemi në këtë betejë, mund ta lëmë Ilir Metën që me dorën e Sali Berishës të marrë vota demokratësh dhe t’i çojë tek Ilir Meta e ky pastaj t’i çojë te Rama.
O me demokratët për demokratët, o me Ilir Metën për Ilir Metën që do të thotë për Edi Ramën. Shikoni si bëhen bashkë kur i cenohen interesat. Në vitin 2018 Berisha dhe Meta firmosën dhe sot janë kundër vettingut. Unë u them merri akuzat ndaj meje dhe çojini në SPAK. Atje të bëhet vettingu i politikanëve. I familjeve të çdokujt dhe familjeve të kujtdo. Duan të bëjnë shpifje. Të tre i bashkon frika ndaj të vërtetës.
Basha tha se kjo shtëpi dhe parti është e demokratëve dhe kurrë s’do të jetë e asnjë emri të përveçëm, cilido qoftë ai.
