Shqipëria dhe Spanja do të luajnë një miqësore mes tyre më 26 mars. Për këtë sfidë është konfirmuar edhe ora dhe stadiumi ku do të zhvillohet miqësorja e luksit për djemtë kuq e zi.
Sipas marrëveshjes mes dy federatave ky takim do të luhet në stadiumin “RCDE”, që është shtëpia e skuadrës së Espanjolit në Barcelonë, duke filluar nga ora 19:00.
Siç dihet tashmë, kjo do të jetë ndeshja e parë miqësore mes këtyre dy përfaqësueseve, të cilat deri më tani kanë luajtur ndaj njëra-tjetrës shtatë sfida, të gjitha të vlefshme për kualifikueset e kampionateve europiane dhe botërore.
