Dy persona janë arrestuar në Vushtrri pasi akuzohen se kanë rrëmbyer një person. Siç njofton policia, nga hetimet fillestare bëhet e ditur se dy të dyshuarit kanë futur me dhunë në mjetin e tyre një person. Më pas ata i kanë marrë një shumë parash dhe të dyshuarit u larguan në një drejtim të panjohur, mirëpo mundën të arrestoheshin nga policia.
“Mbi bazën e informacioneve fillestare dhe veprimeve të ndërmarra, policia ka arritur të identifikojnë dhe arrestojnë dy persona të dyshuar B. Z., 20 vjeçar dhe E. B.,19 vjeçar, të dy shtetas të Republikës së Kosovës”, njofton policia.
