FIER — Gjykata e Shkallës së Parë në Fier ka caktuar masën e sigurisë “Arrest me burg” për mësuesin Madrid Sula.
Arsimtari 60-vjeçar doli para togave të zeza pasi ngacmoi seksualisht përmes mesazheve telefonike nxënësen e tij të mitur.
Ndaj 60-vjeçarit rëndojnë zyrtarisht akuzat për veprat penale “Ngacmim seksual”, “Shpërdorim detyre” dhe “Pornografi”.
Skandali u zbulua pasi 13-vjeçarja u tregoi prindërve për komunikimet e papërshtatshme me përmbajtje erotike.
Menjëherë pas denoncimit të familjarëve në Policinë e Lushnjës, efektivët e rendit prangosën mësuesin.
Trupit gjykues i mjaftuan provat materiale të administruara për ta lënë pas hekurave 60-vjeçarin deri në përfundim të hetimeve.
