Mes tragjedisë së shkaktuar nga tërmeti i fuqishëm me magnitudë 7.4 që goditi Kolumbinë mëngjesin e 10 gushtit, një moment emocionues në Cali është kthyer në simbol shprese.
Ekipet e shpëtimit arritën të nxirrnin të gjallë nga rrënojat e një ndërtese të shembur një foshnjë gjashtëmuajshe, e cila kishte mbetur e bllokuar së bashku me nënën e saj.
Shpëtimtarët ndodheshin në mes të kërkimeve intensive kur dëgjuan shenja jete nën rrënoja. Pas ndërhyrjes, ata arritën të nxirrnin foshnjën dhe nënën e saj, duke sjellë një moment gëzimi mes skenave të shkatërrimit të shkaktuara nga tërmeti.
Pamjet e shpëtimit janë përhapur me shpejtësi në rrjetet sociale dhe janë pritur me emocione nga qytetarët, ndërsa ekipet e emergjencës vijojnë kërkimet për persona të tjerë që mund të kenë mbetur të bllokuar.
Ndërkohë, situata mbetet dramatike në Cali, ku një pjesë e Spitalit Universitar del Valle është dëmtuar rëndë. Sipas autoriteteve, rreth 30% e strukturës së spitalit është prekur nga tërmeti, duke përfshirë tre kate ku ndodheshin Pediatria, Mjekësia e Brendshme dhe një pjesë e njësisë neonatale.
Të paktën katër persona janë nxjerrë nga rrënojat, ndërsa disa pacientë janë evakuuar dhe transferuar në institucione të tjera shëndetësore. Rreth 600 persona janë detyruar të largohen nga spitali dhe pacientët janë trajtuar përkohësisht në ambientet e jashtme.
Pamjet nga vendngjarja tregojnë mjekë, infermierë dhe ekipe të emergjencës që vijojnë të kujdesen për pacientët jashtë godinës së dëmtuar. Në mesin e situatës kaotike, infermieret janë detyruar të kujdesen edhe për të porsalindurit në rrugë, pasi zona e pediatrisë ishte ndër pjesët më të prekura të spitalit.
Debajo de los escombros hay esperanza de vida
Una mujer y su bebé de seis meses de nacido fueron rescatados en Cali después de quedar en medio de los escombros tras el terremoto de 7.4 grados.
El rescate lo hicieron voluntarios que ayudaron al escuchar voces de auxilio de la… pic.twitter.com/UFrkL76nnC
— ZonaCero (@zonacero) August 10, 2026
