Elbasan, 30 qershor 2026 – Një zjarr ka rënë në ambientet e jashtme të silosit të një fabrike për përpunimin e drurit në Elbasan.
Menjëherë pas njoftimit, në vendngjarje kanë mbërritur dy mjete zjarrfikëse dhe një automjet me shkallë, të cilat kanë ndërhyrë me shpejtësi duke izoluar vatrën e zjarrit dhe duke shmangur përhapjen e flakëve në pjesët e tjera të objektit.
Falë ndërhyrjes së shpejtë të shërbimit zjarrfikës, situata është vënë nën kontroll brenda një kohe të shkurtër, ndërsa ekipet vijojnë punën për eliminimin e çdo rreziku të mundshëm.
Shkaku i rënies së zjarrit mbetet ende i paqartë dhe pritet të përcaktohet nga hetimet e autoriteteve përkatëse.
