SHBA- Autori i vrasjes së Nikki Cheng Shailey-McLain është arrestuar në Kaliforni 15 muaj pas ngjarjes tragjike. Ndonëse autori është vënë në pranga trupi i 39-vjeçares është ende duke u kërkuar. Sipas autoriteteve lokale, Tyler McLain vrau gruan e tij në mënyrë që ajo të mos dëshmonte kundër tij në rastet e dhunës në familje.
Arrestimi i bashkëshortit të 39-vjeçares, e cila ishte nënë e katër fëmijëve, u bë pasi autoriteteve iu dha informacioni se McLain kishte pranuar vrasjen e gruas së tij në maj 2024. Zhdukja e 39-vjeçares ndodhi disa ditë pasi ajo u dërgoi një SMS të afërmve të saj duke i njoftuar ata për qëllimin e saj për t’i dhënë fund martesës së saj 15-vjeçare.
Siç u bë e ditur, episodet e rrahjes kundër 39-vjeçares kishin filluar në vitin 2020. Në dhjetor 2023, ajo e kishte akuzuar atë se e kishte lidhur dhe e kishte rrahur brutalisht për më shumë se tre orë në shtëpinë e tyre.
Zhdukja e 39 -vjeçares ndodhi disa ditë pasi ajo u dërgoi një mesazh të afërmve të saj duke i informuar ata për qëllimin e saj për t’i dhënë fund martesës së saj 15-vjeçare me burrin e saj, sepse abuzimi i vazhdueshëm e bënte të kishte frikë për jetën e saj.
Makina e saj u gjet e braktisur më 24 maj 2024 në Kalifornian Veriore, rreth 45 minuta larg shtëpisë së çiftit. Gjaku i gjetur në makinë u konfirmua se i përkiste McClain. Burri i 39-vjeçares po mbahet në paraburgim dhe pritet të paraqitet në gjykatë të premten, ndërsa autoritetet kanë ofruar një shpërblim deri në 30,000 dollarë për informacionin që çon në identifikimin e trupit të gruas.
