Interi e ka nisur këtë edicion në Serinë A me një fitore mbresëlënëse 5-0 ndaj Torinos në javën e parë të kampionatit. Një dominim total i zikaltërve, të cilët masakruan skuadrën e re të Ardian Ismajlit e Kristjan Asllanit.
Të dy lojtarët e Kombëtares mungonin në ndeshjen e sotme, i pari për dëmtim dhe i dyti sepse nuk ishte plotësuar ende dokumentacioni për kalimin e tij nga Interi. Dhe Torino tregoi pse ua ka nevojën pasi shfaqi probleme pikërisht në mbrojtje dhe në regji në mesfushë në ndeshjen e sotme, duke u dorëzuar pa kushte përballë zikaltërve.
Bastoni dhe Turam shënuan me lehtësi në pjesën e parë, ndërsa gabimet e dukshme në mbrojtje në pjesën e dytë i dhanë mundësinë Lautaro Martinez, përsëri Turam e në fund edhe Boni, që të gjenin golat që do të çonin shifrat në 5-0, duke bërë debutimin në “San Siro” të trajnerit Kivu një spektakël të vërtetë.
Goli i Boni (VIDEO)
Goli i dytë i Turam (VIDEO)
Goli i Lautaro Martinez (VIDEO)
Goli i Turam (VIDEO)
Goli i Bastoni (VIDEO)
