Dashi
Si dita e sotme keni pasur pak në jetë, prandaj shfrytëzojeni në maksimum. Për ju të dashuruarit e sotmja do jetë e jashtëzakonshme. Shpesh do ndiheni aq mirë pranë të dashurit të zemrës saqë do ju duket vetja si në parajsë. Ju beqarët gjithashtu do privilegjoheni dhe do realizoni takime të veçanta. Për të hedhur hapa më tej gjithçka do mbetet në dorën tuaj. Për punën do jetë ditë pozitive dhe pa vështirësi.
Demi
Edhe pse në mëngjes do keni disa dyshime të vogla për vazhdimësinë e jetës, ju sërish nuk do dorëzoheni. Ju të dashuruarit, të ndikuar shumë pozitivisht nga Hëna, do keni më tepër besim tek partneri dhe do jeni të gatshëm të flisni hapur për të zgjidhur çdo keqkuptim të lindur më herët. Ju beqarët as nuk do doni ta ndryshoni statusin tuaj dhe nuk do pranoni ftesa për njohje të reja.
Binjakët
Gjatë kësaj dite do mërziteni shumë edhe vetëm kur ta mendoni të shkuarën. Mendimet e të tjerëve gjithashtu do ju lëndojnë. Për ju të dashuruarit klima yjore nuk do jetë aspak e mirë. Tensioni do mbizotërojë dhe mund të thoni fjalë lënduese për tjetrin. Kjo gjë do bëjë që gjithë kohës të jeni të mërzitur. Ju beqarët do jeni shumë të sinqertë me ata që do joshni dhe nuk do pranoni të bëni gjëra që nuk i ndieni. Në punë do jeni profesionistë të vërtetë.
Gaforrja
Dita e sotme do ketë edhe momente të mira edhe disa të tensionuara. Bëni kujdes me çdo hap që do hidhni. Për ju të dashuruarit e sotmja do fillojë me vrull dhe me debate, por shumë shpejt situata do qetësohet. Do i kuptoni dhe do i pranoni gabimet të dyja palët. Për ju beqarët do ketë disa takime premtuese të cilat mund t’ua zbukurojnë jetën njëherë e përgjithmonë.
Luani
Nuk do jeni aspak nervozë si më parë dhe do arrini të keni një marrëdhënie të mirë me të gjithë. Për ju të dashuruarit e sotmja do jetë shumë e kënaqshme. Do jeni më të sinqertë me njëri-tjetrin, do qëndroni më tepër kohë bashkë, do flisni, do ndani brengat dhe do dashuroheni si do e ndjeni. Ju beqarët do keni dëshira të papërmbajtshme, por asnjë prej tyre nuk do mund të realizohet.
Virgjëresha
Dielli dhe Urani do ju bëjnë më energjikë gjatë kësaj dite dhe do keni aspirata të reja. Ju që keni një lidhje do jeni shumë bashkëpunues dhe tejet të logjikshëm. Gjithë kohës do mendoni për më të mirën e të dyja palëve dhe do hapni edhe rrugë për këtë gjë. Ju beqarët as nuk do keni kohë të mendoni për dashurinë dhe do mbeteni me të njëjtin status.
Peshorja
Mos gënjeni për asgjë gjatë kësaj dite sepse keni për të pasur probleme të mëdha më pas. Nëse keni një lidhje jeta juaj nuk ka për të pasur vështirësi. Për çdo gjë do merreni vesh si duhet me partnerin dhe buzëqeshja do mbizotërojë në fytyrën tuaj. Nëse jeni beqarë në kërkim të partnerit ideal, përgatituni për surpriza të njëpasnjëshme. Gjëra të bukura do ndodhin gjithë kohës. Në punë mbrojini me çdo kusht idetë tuaja, por ama edhe logjikoni për gjithçka që do bëni
Akrepi
Gjërat nuk do iu ecin ashtu si e kishit menduar sot dhe herë pas here do përballeni me goxha tronditje. Nëse keni një lidhje, jeta juaj nuk do jetë shumë e qëndrueshme. Në disa momente mund të dashuroheni me pasion me partnerin, por në disa të tjera do i thoni fjalë të rënda dhe do debatoni ashpër. Ju beqarët nuk do keni mundësi për lidhje serioze, por rastet për aventura afatshkurtra do jenë disa. Në punë do ju duhet të bashkëpunoni më fort me kolegët për të pasur arritjet e ëndërruara.
Shigjetari
Dita e sotme do jetë me shumë fat për ju dhe më në fund do i arrini të gjitha rezultatet që keni dëshiruar. Për ju të dashuruarit e sotmja do jetë shumë e bukur. Do dashuroheni gjithë kohës dhe do argëtoheni pafund me të dashurin e zemrës. Ju beqarët më në fund do takoni personin për të cilin keni ëndërruar gjithë jetën. Zemra do ju mbushet plotësisht.
Bricjapi
Do jeni shumë melankolikë gjatë kësaj dite dhe do e bëni gjithçka me qetësi. Për ju që keni një lidhje e sotmja do jetë perfekte për t’u argëtuar, për t’u dashuruar dhe për të kaluar momente sa më të bukura. Do i shprehni pafund ndjenjat dhe emocionet do jenë të forta. Ju beqarët do vendosni më në fund të afroheni edhe më shumë me një person që pëlqeni prej kohësh dhe mund të merrni përgjigje pozitive.
Ujori
Gjatë kësaj dite duhet të tregoheni të kujdesshëm dhe nuk duhet të nxitoheni për asnjë gjë. Nëse keni një lidhje mundohuni të shmangni rivalitetin me partnerin tuaj në çdo aspekt sepse mund t’iu dalin probleme dhe vështirësi më të mëdha. Më e mira është të tregoheni të duruar dhe herë pas here të hapni rrugë. Ju beqarët do realizoni takime shumë të veçanta dhe jeta do ju ndryshojë më shpejt nga sa mendonit..
Peshqit
Sot do fitoni më tepër besim në vetvete dhe do e dini mirë se si të veproni. Çështjet e zemrës do privilegjohen tej mase. Ju të dashuruarit do kaloni më tepër kohë me partnerin dhe do gjeni mënyrën e duhur për të sqaruar edhe disa hatërmbetje. Mbrëmja do jetë më emocionuese. Jeta sentimentale për ju beqarët do jetë goxha e privilegjuar dhe zemra do rrahë akoma më fort.
