Në këtë periudhë të vitit, qyteti i Rovaniemit në provincën finlandeze të Laplandës, të cilin zyrtarët e turizmit e kanë reklamuar si shtëpinë e vërtetë të Santa Claus që nga vitet 1980, duhet të jetë e bardhë. Arktiku po ngrohet më shpejt se pjesët e tjera të botës për shkak të ndryshimeve klimatike, pothuajse katër herë më shpejt, sipas hulumtimit të publikuar nga shkencëtarët finlandezë në revistën Nature 2022.
Temperaturat më të ngrohta globale, të nxitura nga djegia e lëndëve djegëse fosile, kanë çuar vitet e fundit në fatkeqësi të motit si përmbytjet dhe thatësirat në mbarë botën. Në Lapland finlandeze, pas një vere historikisht të ngrohtë, një rekord i ri i temperaturës u thye në nëntor disa javë më parë, kur u mat 11.1 gradë Celsius në qytetin Utsjoki. Rekordi i mëparshëm nga viti 1975 ishte 11 gradë.
Rovaniemi është një nga qytetet më të largëta në Evropë. Ka pak më shumë se 63.000 banorë dhe deri në vitet 80-të të shekullit të kaluar, është vizituar vetëm nga një numër i vogël shkencëtarësh dhe aventurierësh të mëdhenj në kërkim të peisazheve përrallore. Gjithçka ndryshoi në vitin 1985, kur u shpall vendlindja e Babagjyshit të njohur si Santa Claus. Sot ai është plot me zbukurime, drerë dhe Santa Claus. Ndërkaq, më shumë se 500,000 turistë e vizitojnë atë çdo vit.
Turistët vijnë në çdo kohë të vitit, por kryesisht preferojnë dimrin. Edhe pse temperaturat janë shumë të ulëta dhe kryesisht nën zero, ju mund të shijoni një atmosferë të vërtetë dimri në këtë qytet përrallor. Shtëpitë në Rovaniemi, me ndriçim, krijojnë një magji të vërtetë Krishtlindjesh dhe Vitit të Ri. Rikujtojmë, se vendet më të mira për të shkuar për Krishtlindje janë destinacionet që ofrojnë një atmosferë të ngrohtë dhe një ambient festiv. Sezoni dimëror ofron aktivitete festive që mund t’i shijoni me të gjithë familjen. Klikoni në këtë link për disa sugjerime në mënyrë që kaloni pushime të paharrueshme me të afërmit tuaj.
