Një ngjarje tragjike ka ndodhur në Shkodër, ku një 79-vjeçar ka vrarë me armë zjarri bashkëshorten e tij 83 vjeçe, dhe më pas ka vrarë edhe veten.
Krimi i dyfishtë brenda familjes ka ndodhur në lagjen “Ahmet Haxhia” të qytetit verior, ku sipas policisë, në vendngjarje është gjetur dhe sekuestruar në cilësinë e provës materiale arma e zjarrit automatik, me të cilën dyshohet se shtetasi F.B ka varrë bashkëshorten dhe më pas veten.
Blutë e Shkodrës bëjnë me dije se ngjarja e rëndë dyshohet se ka ndodhur para disa ditësh, por trupat e pajetë të çiftit janë zbulura ditën e sotme.
Shkodër/ Informacion paraprak
Sot me datë 18.08.2021 në lagjen “Ahmet Haxhia”, Shkodër, dyshohet se shtetasi F. B., 79 vjeç në banesë ka vrarë me armë zjarri bashkëshorten e tij shtetasen S. B., 83 vjeçe dhe më pas ka vrarë veten.
Në vendngjarje është gjetur dhe sekuestruar në cilësinë e provës materiale arma e zjarrit automatik me të cilën dyshohet se shtetasi F.B ka varrë bashkëshorten dhe më pas veten.
Nga veprimet e para hetimore dyshohet se ngjarja ka ndodhur para disa ditësh.
Grupi hetimor nën drejtimin e Prokurorisë Shkodër, vijon punën për sqarimin e plotë të rrethanave të kësaj ngjarjeje.
(ElbasaniON)
