I hapte profile false në rrjetet sociale 26-vjeçares dhe e përndiqte, policia arreston të riun në Librazhd

Duket se rrjetet sociale janë kthyer në një shqetësim real, teksa të dhënat e personave të ndryshëm keqpërdoren.

Policia e Librazhdin bën me dije se një 31-vjeçar me inicialet B.B, ka keqpërdorur të dhënat e një 26-vjeçareje, duke i hapur më pas kësaj të fundit profile false në rrjete sociale

Po ashtu mësohet se i riu e ka përndjekur vajzën.

Pas denoncimin, policia ka arrestuar 31-vjeçarin, ndërsa po vijon hetimet për zbardhjen e plotë të rastit.

Komunikata e policisë:

“Specialistët për Hetimin e Krimeve Kibernetike shpallën në kërkim shtetasin B. B., 31 vjeç, banues në Librazhd, pasi dyshohet se ka keqpërdorur të dhënat e një 26-vjeçareje, duke krijuar profile false në rrjetet sociale, si dhe e ka përndjekur këtë shtetase.“