Dinamo dhe Elbasani ndajnë pikët në supersfidën e javës së 12-të në Superiore

Tirana-— Javën e 12-të të Kategorisë Superiore, Dinamo dhe Elbasani barazuan 1-1 në ndeshjen kryesore të javës, e zhvilluar në stadiumin “Air Albania”.

Të dy golat u shënuan gjatë pjesës së parë: Elbasani kaloi në avantazh në minutën e 34-t, me golin e Tsague, ndërsa Dejvi Bregu barazoi për Dinamon në minutën e 43-t, falë një penalltie të ekzekutuar me sukses.

Pjesa e dytë ishte më e qetë, me raste të pakta për gol, dhe dy ekipet u detyruan të ndajnë pikët.

Me këtë rezultat, Elbasani merr kryesimin me 24 pikë, duke pritur ndeshjen e Vllaznisë ndaj Partizanit, ndërsa Dinamo renditet në vendin e katërt me 19 pikë të grumbulluara.