Një aksident me disa të plagosur ka ndodhur pasditen e sotme në aksin rrugor Pogradec – Qafë Thanë në afërsi të fshatit Udenisht.
Dy automjete janë përplasur me njëri-tjetrin kokë me kokë, duke lënë të plagosur disa persona.
Sipas policisë, shkak dyshohet se është bërë lagështia në rrugë dhe shpejtësia tej normave të lejuara.
Njoftimi i policisë:
Rreth orës 15:30, në aksin rrugor “Korçë-Pogradec”, janë përplasur automjeti tip “Benz” me drejtues shtetasin B. Xh. me automjetin tip “Seat” me drejtues shtetasin O. Xh.
Si pasojë e aksidentit janë dëmtuar të dy drejtuesit e automjeteve dhe pasagjeri në automjetin tip “Seat”, të cilët ndodhen në spital, jashtë rrezikut për jetën. Grupi hetimor ndodhet në vendngjarje dhe po punon për zbardhjen e rethanave të aksidentit.
