Elbasani ka fituar minimalisht me rezultatin 1-0 përballë Flamurtarit. Mjaftoi autogoli i Hoze Rodrigez në pjesën e parë, për t’i dhënë 3 pikët verdhebluve.
Skuadra e Ivan Gvozdenoviç bëri mjaft mirë duke e merituar fitoren. Në anën tjetër, Flamurtari ishte larg pritshmërive dhe pse me merkato të bujshme.
Ndeshja ishte e vlefshme për javën e parë. Dhe kështu nis rrugëtimi i të dy skuadrave.
REZULTATI PËRFUNDIMTAR
ELBASANI 1-0 FLAMURTARI
34′(ag) Hoze Rodrigez
NGJARJET KRYESORE
90+8′ Mbyllet ndeshja. Elbasani fiton 1 me 0.
90+4′ Lulaj ndëshkohet me karton të verdhë për faull taktik.
90+3′ Tsage godet shtyllën nga Elbasani. Vendësit duan edhe golin e dytë.
90′ Akordohen 7 minuta shtesë.
90′ Bunjaku provon nga jashtë zone. Portieri i Flamurtarit grushton me jo pak vështirësi.
88′ Tre zëvendësime tek Elbasani. Ben Shimon i lë vendin Tsages, vendin e Lukilit e merr Ibrahimi, ndërsa Lajthia të Diallos.
87′ Diallo kërkon zëvendësimin tek Elbasani.
84′ Bolzan merr vendin e Ememe te Flamurtari.
83′ Baeten humbet mundësinë e artë për të barazuar sfidën. Trashi dhe më pas Maksuti bënë gjithçka mirë, por jo Baeten. (VIDEO)
81′ Elbasani niset në mesfushën e Flamurtarit, pasi Diallo gjen Ben Shimon. Ky i fundit nuk pason si duhet te Bunjaku, i cili po ashtu gabon më pas.
73′ Asnjë nuk e shfrytëzon krosimin e Trashit te Flamurtari. Oshafi reagon i dëshpëruar.
71′ Ben Shimon nuk shënjestron si duhet portën me kokë, pasi topi u harkua nga këndorja. Elbasani vijon të kontrollojë lojën.
69′ Elbasani i afrohet golit të dytë. Aleksovski bën detyrën duke e larguar në këndore goditjen e Ben Shimon.
66′ Flamurtari rrezikon autogolin e dytë. Këtë herë është Kantakias i cili teston portierin Aleksovski.
64′ Te Flamurtari largojnë Pjeshkën dhe aktivizojnë Guidon.
62′ Largohet Kasa dhe aktivizohet Qose tek Elbasani.
59′ Diallo flirton me golin e dytë tek Elbasani. Goditja e tij përfundon jashtë.
51′ Goditja e Ememe ndalet në murin mbrojtës. Sfida vijon me Elbasanin në avantazh.
48′ Gjyqtari Koçi akordon fillimisht goditje dënimi, që fitohet nga Maksuti. VAR merr kohë për ta shikuar. Olberkis ndëshkohet me karton të verdhë. Konfirmohet më pas goditja e dënimit.
46′ Oshafi teston Janaçek. Ky i fundit reagon si duhet duke larguar topin në fundore.
46′ Nis pjesa e dytë.
45+1′ Mbyllet pjesa e parë me rezultatin 1-0 për Elbasanin.
45′ Akordohet 1 minutë shtesë.
42′ Tjetër gabim i Flamurtarit. Ben Shimon ndalet nga portieri Aleksovski, ndërsa ndodhej i vetëm përballë tij.
34′ GOOOL! Elbasani 1-0 Flamurtari/ Autogol qesharak i Hoze Rodrigez, që nuk merret vesh me portierin. Elbasani në avantazh.
31′ Aleksovski kontrollon në dy kohë një goditje nga distanca. Lokili vendos në vështirësi miqtë.
30′ Kasa provon nga distanca. Mbrojtja e Flamurtarit nuk lejon rrezikun t’i afrohet portës së Aleksovskit.
23′ Oshafi rrezikon në zonën e Elbasanit. Është Hoze Rodrigez që i shërben. Goditja e Oshafit përfundon jashtë.
18′ Shfaqet Flamurtari. Ememe kroson për Maksutin, goditja e të cilit me kokë përfundon jashtë.
18′ Lukili futet mirë në zonë, por e ekzagjëron me mbajtjen e topit. Në fund te Flamurtari tregohen të vëmendshëm duke larguar rrezikun.
14′ Mungojnë rastet e rrezikshme. Flamurtari mundohet të ketë qarkullimin e topit.
1′ Nis ndeshja.
FORMACIONET ZYRTARE
ELBASANI: Janaçek; Olberkis, Lulaj, Ben Shimon, Loukili, Ibrahim, A. Kasa, Ze Gomesh, Musta, Lila, Diallo
Trajner: Ivan Gvozdenoviç
FLAMURTARI: Aleksovski, Skuadrone, Martinez, Ememe, Veiga, Trashi, Oshafi, Nunes, Kantakias, Maksuti, Pjeshka
Trajner: Karlos Garsia
