RUSI- Zëdhënësja e Ministrisë së Jashtme ruse, Maria Zakharova, ka reaguar ashpër, pas deklaratave të Presidentit Francez Emmanuel Macron, ku tha se Rusia gjoja po i ofronte Ukrainës kapitullim, jo paqe. Me tone të ashpra Zakharova i quajti deklaratat e udhëheqëses franceze gënjeshtra të hapura dhe akuzoi Parisin se po e shtyn Kievin drejt shkatërrimit.
“Çfarë gënjeshtre e paturpshme! Rusia ka propozuar një zgjidhje paqësore për krizën e brendshme ukrainase për shtatë vjet brenda kuadrit të marrëveshjeve të Minskut!” shkroi gjithashtu Zakharova.
Zakharova citoi fjalët e ish-Presidentit francez Francois Hollande, i cili në vitin 2023 pranoi drejtpërdrejt se marrëveshjet e Minskut ishin të nevojshme vetëm për t’i dhënë Ukrainës kohë për të rritur gatishmërinë e saj luftarake.
Sipas zëdhënëses së Ministrisë së Jashtme ruse, kapitullimi aktual i Ukrainës u propozua nga ata që për vite me radhë i ngulitën Kievit iluzionin e “fitores në fushën e betejës”, duke e kuptuar plotësisht se kjo ishte e pamundur. Në fund të mesazhit të saj, ajo përmendi fajtorin kryesor të këtij procesi: “Midis tyre, para së gjithash, vetë Macronin”.
