QAFË THANË- Festat e fundvitit tashmë kanë përfunduar dhe shumë emigrantë shqiptarë kanë udhëtar sëisht për tu rikthyer në vendet ku jetojnë dhe punojnë. Fluksi i emigrantëve që largohen është i lartë duke sjellë radhë të gjatë në dogana. Ky fluks i lartë ka sjellë që të bjerë sistemi në doganën Maqedonase në Qafë Thanë duke sjellë të krijohet një radhë e madhe automjetesh në hyrje dhe në dalje të Shqipërisë.
Edhe pse ka probleme me sistemin pala maqedonase, mjetet vijojnë të kalojnë, por me ngadalë. Autoritetet kanë hapur të gjitha sportelet për të shmangur fluksin e krijuar deri në normalizim të situatës. Autoritetet gjitashtu kanë sqaruar se situata është drejt normalizimit dhe se në Qafë Thanë po punohet me 3 sportele në dalje dhe po 3 në hyrje. Për shkak të problemeve me internetin nga pala maqedonase, u krijua për disa minuta fluks por situata po normalizohet.
