TIRANË- Në përfundim të mbledhjes së Këshillit Kombëtar të PD-së, deputeti Flamur Noka ka thënë se drejtuesit politik të qarqeve do të zbresin në terren. Ai tha se drejtuesit e degëve duhet të bëhen gati për organizimin e aksionit.
Noka u shpreh se dy kërkesa e tyre janë lirimi i liderit të PD-së, Sali Berishës dhe qeveria teknike.
“Drejtuesit politik do të zbresin në terren. Drejtuesit e degëve të bëhen gati për organizimin e aksionit. Lirimi i liderit tonë dhe qeveria teknike janë dy kërkesat tona. Jemi gati për aksion. Kjo është vjeshtë e zjarrit opozitar. Fshini nga mendja çdo hamendësim ndaj njëri-tjetrit. S’e kemi luksin të shohim tek njëri-tjetri defekte. Bashkë për gjunjëzimin e narkoshtetit.”, tha Noka.
