Një 25-vjeçar shqiptar, shofer kamioni ka humbur jetën mëngjesin e sotëm në Verona të Italisë. Kamioni që drejtohej nga shqiptari është përplasur me një tjetër kamion që ka qenë i ndaluar në autostradë.
Në vendngjarje mbërriti shpejt ndihma mjekësore që u përpoqën të mbanin në jetë të riun, por pa sukses.
Sipas hetimeve nga policia, kamioni me të cilin u përplas shqiptari kishte ndaluar për shkak të një aksidenti tjetër që ishte bërë në zonë. 25-vjeçari shqiptar jetonte në Pisa dhe kryente këtë rrugë çdo ditë.
