Shpërthen bombula e gazit gjatë natës në një banesë në Berat.
Ngjarja ndodhi në fshatin Moravë të Njësisë Administrative Otllak.
Kanë qenë vetë familjarët ata që kanë njoftuar Shërbimet Zjarrfikëses, pasi shtëpia është përfshirë nga flakët.
Forca të Repartit të Shpëtimit nga Zjarri kanë mbërritur në vendngjarje dhe në një kohë të shkurtër kanë bërë të mundur lokalizimin e flakëve, duke shmangur edhe përhapjen e tyre drejt banesave përreth.
Si pasojë e zjarrit, në njërën nga dhomat e banesës së shtetasit Barjam Hatija ka pasur dëme materiale, ndërkohë që s’ka asnjë të lënduar.
Burime nga zjarrfikësit në vendngjarje konfirmojnë se shkak për zjarrin është bërë rrjedhja e bombolës së gazit.
